Çmimet e naftës mund të ulen sërish – OPEC+ paralajmëron për reduktim të prodhimit

OPEC+ pritet të realizojë objektivin e tij për të reduktuar prodhimin e naftës me 2 milionë fuçi në ditë, në një vendim që do të konfirmohet të dielën në takimin e rradhës. Megjithatë disa analistë besojnë se çmimet e naftës së papërpunuar mund të ulen nëse grupi nuk bën reduktime të mëtejshme.

Organizata e vendeve eksportuese të naftës – OPEC – dhe aleatët e udhëhequr nga Rusia, një grup i njohur si OPEC+. E kanë ndryshuar takimin e planifikuar në Vjenë në 4 dhjetor, duke zëvendësuar praninë fizike me një takim virtual. Një vendim që ka shumë të ngjarë të paralajmërojë se nuk do të ndryshojë asgjë në politikat e ndjekura.

Grupi ra dakord në fillim të muajit tetor për të reduktuar prodhimin e naftës me 2 milion fuçi në ditë nga nëntori deri në fund të vitit 2023. Duke pasu parasysh kufizimet për disa nga anëtarët e aleancës reduktimi aktual që grupi pritet të bëjë është nga 1 deri në 1.1 milion fuçi në ditë.

OPEC+, konfirmoi për agjencinë e lajmeve Reutersm se aktualisht do të vlerësojë ndikimin e një kufiri të afërt të çmimit të naftës ruse në treg, për të përfituar një panoramë më të qartë të perspektivës së kërkesës për naftë në Kinë, vendi është importuesi kryesor në botë i naftës së papërpunuar.

Megjithatë disa analistë nuk përjashtojnë mundësinë e një surprize, dhe paralajmërojnë se me ofertën aktuale në treg, OPEC+ rrezikon një kolaps të çmimit të naftës nëse nuk frenon objektivat për prodhimin.

Çmimet e naftës së papërpunuar Brent, të cilat arritën nivelin më të lartë të 14 viteve mbi 139 dollarë për fuçi pas pushtimit rus të Ukrainës, po tregtohen rreth 88 dollarë për fuçi, duke shënuar një rikuperim modest nga nivelet më të ulëta të një viti, afër 80 dollarë për fuçi, e shënuar në fillim të javës.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.