Denaj takim me ambasadorin e Austrisë në Shqipëri – Në diskutim rritja e eksporteve të prodhimeve bujqësore “Made in Albania”

Ministrja e Bujqësisë dhe Zhvillimit Rural, Anila Denaj ka mbajtur një takim me ambasadorin e Austrisë në Shqipëri, Christian Steiner.

Denaj nëpërmjet një njoftimi në faqen e saj zyrtare bëri me dije se gjatë takimit u diskutua mbi mundësitë për të rritur praninë e prodhimeve bujqësore “Made in Albania” në Austri.

“Diskutuam mbi nevojën për të rritur praninë e prodhimeve bujqësore “Made in Albania” në Austri, në veçanti të perimeve, duke i promovuar e zgjeruar mundësitë e eksportit për kompanitë shqiptare”, tha Denaj.

Për sa i takon zhvillimit rural në zonat malore, ministrja Denaj ka bërë me dije se i ka kërkuar ambasadorit më shumë bashkëpunim për të përfituar nga eksperienca austriake për ngritjen e modeleve të suksesshme të bujtinave e agroturizmeve.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.