Dronët Bayraktar, tashmë në Shqipëri – Peleshi: Dedikim drejt modernizimit dhe inovacionit në Forcat të Armatosura

Ministri i Mbrojtjes, Niko Peleshi ka bërë me dije se dronët Bayraktar, të njohur për efikasitetin dhe teknologjinë e tyre të avancuar, tashmë janë në Shqipëri.

Prej dy ditësh, ka filluar montimi dhe paralelisht po kryhet instalimi i infrastrukturës mbështetëse për operimin dhe kontrollin e tyre, theksoi ministri.

Sipas tij, ky zhvillim, jo vetëm që rrit aftësitë e mbrojtjes së Shqipërisë, por shërben edhe si dëshmi e angazhimit të vendit për të garantuar sigurinë kombëtare dhe për të përmbushur standardet më të larta të mbrojtjes.

Kjo arritje është simbol i dedikimit tonë drejt modernizimit dhe inovacionit në Forcat tona të Armatosura, theksoi Peleshi.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.