Ekonomia e Britanisë u tkurr me 0.3% në gusht – Kriza e kostos së jetesës ka goditur hotelet, restorantet dhe industrinë e argëtimit
Ekonomia e Britanisë u tkurr me 0.3% në muajin gusht, krahasuar me korrikun, e goditur nga dobësia në prodhim dhe nga puna e mirëmbajtjes që ngadalësoi sektorin e naftës dhe gazit, treguan të dhënat zyrtare.
Duke dhënë një sinjal të fortë se Mbretëria e Bashkuar po hyn në një recesion, Zyra për Statistikat Kombëtare tha se prodhimi ra me 1.6%, ndërsa kriza e kostos së jetesës duket se ka goditur hotelet, restorantet dhe industrinë e argëtimit.
Rënia e Prodhimit të Brendshëm Bruto ishte gjithashtu 0.3% gjatë tre muajve deri në gusht, duke treguar se një rritje prej 0.1% në korrik ishte e paparashikuar dhe kryesisht e shkaktuar nga një rikthim modest për shkak të festimeve të jubileut platin të Mbretëreshës.
Një rritje në aktivitetin e ndërtimit të shtëpive kompensoi një rënie të mirëmbajtjes duke e lënë sektorin e ndërtimit me rritje 0.4%. Ndërkohë, sektori i shërbimeve u tkurr me 0.1% si rezultat i shkurtimeve të shpenzimeve për shërbimet shëndetësore.
Një ulje e shpenzimeve nga qeveria në lidhje me pandeminë e koronavirusit ishte gjithashtu një nga shkaqet kryesore të rënies së prodhimit, e cila u godit nga kompanitë farmaceutike që shkurtuan prodhimin.
Ministri I Financave, Kwasi Kwarteng fajësoi situatën globale për rënien e ekonomisë dhe veçanërisht luftën në Ukrainë, e cila kishte rritur ndjeshëm kostot e energjisë.
Sipas tij, plani i ri do të adresojë sfidat me të cilat përballet Britania me reformat ambicioze të ofertës dhe ulejn e taksave, që do të rrisin ekonominë, krijojnë më shumë vende pune për punonjës të kualifikuar të mirëpaguar dhe nga ana tjetër do të rrisin standardet e jetesës për të gjithë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.