Ekonomia në Itali pritet të rritet me 1.2% – Viti 2024 do të regjistrojë një zgjerim më të vogël

Prodhimi i Brendshëm Bruto në Itali pritet të rritet në vitin 2023, me 1.2%, dhe në 2024–ën me 1.1%, megjithëse më ngadalë se në vitin 2022. Të dhënat janë publikuar nga Istat në raportin “Perspektivat për ekonominë italiane”. Sipas këtij raporti, pritet që konsumi i familjeve rezidente dhe institucionet sociale private në shërbim të familjeve, të shënojë një rritje në vitin 2023, me 0.5% në përputhje me trendin e aktivitetit ekonomik, i cili do të forcohet vitin e ardhshëm me 1.1%. Kjo falë uljes së mëtejshme të inflacionit të shoqëruar me një rikuperim gradual të pagave dhe një përmirësimi në tregun e punës

Në tremujorin e parë të këtij viti, pas një rënieje të lehtë në fund të vitit 2022, vijoi faza e zgjerimit të ekonomisë italiane, duke e çuar rritjen e fituar në 2023 në +0.9%. Megjithatë, Istat thekson se sinjalet për muajt e ardhshëm sugjerojnë, pavarësisht fillimit veçanërisht pozitiv, një ngadalësim të aktivitetit ekonomik në pjesën tjetër të vitit, duke nënvizuar se pas tremujorit të parë rritja e Prodhimit të Brendshëm Bruto  ishte 0.9% dhe pritet 1.2% për të gjithë vitin 2023. Ngadalësimi i tregtisë së jashtme, pasiguria për luftën në Ukrainë, por edhe “faktori shtesë i rrezikut” që mund të vinte nga pasojat ekonomike, veçanërisht në sektorin bujqësor, të përmbytjes në Emilia Romagna, po japin pasojat e tyre.

Në parashikimin dyvjeçar, shpjegon Istat, rritja e PBB-së do të mbështetej kryesisht nga kontributi i kërkesës së brendshme neto nga inventarët dhe nga kufizimi kërkesës së huaj neto. Në vitin 2023, inventarët pritet të japin një kontribut negativ marxhinal -0.1 pikë i ndjekur nga ‘ një zero’ ‘ në 2024 – ën.

Konsumi nga familjet dhe institucionet sociale private duhet të rritet falë një reduktimi të mëtejshëm të inflacionit të shoqëruar me një rikuperim gradual të pagave dhe një përmirësim në tregun e punës. Nga ana tjetër, investimet do të ruajnë ritme të larta rritjeje me 3%, krahasuar me komponentët e tjerë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.