“Eksperimenti i gjelbër” 23 mld euro në Gjermani – Gjurmë zero të energjisë deri në 2045 pa shkatërruar bazën industriale

Ekonomia më e madhe e Europës po kryen një eksperiment prej 23 miliardë euro për të arritur një gjurmë energjie zero deri në vitin 2045 pa shkatërruar bazën e saj industriale me energji intensive.

Qeveria e kancelarit Olaf Sholz në fillim të këtij muaji njoftoi të ashtuquajturat ‘kontrata klimatike’ të krijuara për të ndihmuar kompanitë në sektorë të tillë si çeliku, çimentoja dhe qelqi të mbulojnë kostot shtesë të përdorimit të teknologjive më të pastra në krahasim me proceset konvencionale.

Sipas skemës, aplikantët paraqesin propozime për shumën e mbështetjes së kërkuar, ndërsa ofertat që premtojnë uljen më të lartë të dioksidit të karbonit – CO2 me çmimin më të ulët, marrin financim.

Kjo politikë është e ngjashme me ‘kontratat për dallim’ – CfD, të cilat qeveri të ndryshme e kanë përdorur për të ndihmuar në zhvillimin e energjisë së rinovueshme në shumë pjesë të botës. Sidoqoftë, gama e teknologjive që mbulon është ndryshe nga çdo përpjekje e tillë në këtë shkallë, gjë që e bën suksesin e saj shumë më pak të sigurtë.

Programi ka nisur së fundmi me raundin e parë të tenderëve që ofrojnë kontrata deri në 4 miliardë euro dhe do të pasohet nga një tjetër mundësi oferte me një fond prej 19 miliardë euro këtë verë.

Kombet e tjera të industrializuara me ambicie të ngjashme me gjurmë zero do të ofrojnë një bazë më të madhe për rezultatet. Vetëm këtë javë qeveria amerikane njoftoi 6 miliardë dollarë grante që prodhuesit e metaleve, letrës dhe qelqit mund t’i përdorin për të reduktuar emetimet e tyre të ngrohjes globale.

Ndërsa qeveritë kanë përvojë në zhvillimin e zgjidhjeve të plota të energjisë së pastër si era dhe dielli, aksionet janë maksimizuar në mbështetjen e teknologjive në fazat e hershme, si kapja e karbonit në fabrikat e çimentos dhe riciklimi i bakrit me hidrogjen, në të njëjtin nivel.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.