Shqiptarët investojnë më pak jashtë vendit/ Tkurrin kapitalin e eksportuar, 55.4 milionë euro në tre muajt e parë
Investimet direkte të rezidentëve shqiptarë jashtë vendit ranë në 55.4 milionë euro gjatë tremujorit të parë të vitit 2026, sipas të dhënave të Bilancit të Pagesave të “Bankës së Shqipërisë”. Krahasuar me të njëjtën periudhë të një viti më parë, kur investimet arritën në 68 milionë euro, fluksi ka rënë me 12.6 milionë euro, ose rreth 18.5%.
Rënia vihet re edhe krahasuar me fundin e vitit 2025, kur shqiptarët investuan jashtë vendit 70.3 milionë euro. Megjithatë, ecuria afatgjatë tregon se interesi për të investuar jashtë kufijve është rritur ndjeshëm gjatë viteve të fundit.
Shifra e vitit 2026 mbetet relativisht e lartë në krahasim me pjesën më të madhe të viteve të mëparshme. Për shembull, në tremujorin e parë të vitit 2021 investimet jashtë ishin vetëm 10.7 milionë euro, në vitin 2022 u rritën në 35.7 milionë euro, ndërsa në vitin 2023 arritën në 51.5 milionë euro.
Ecuria historike tregon luhatje të forta. Në disa vite, si 2012, 2017, 2018 dhe 2019, treguesi ka qenë negativ, çka nënkupton ulje të mjeteve të investuara jashtë ose kthim kapitali. Pas vitit 2021, investimet e shqiptarëve jashtë hynë në një fazë rritjeje më të dukshme.
Nga pikëpamja e strukturës, pjesa më e madhe e investimeve në tremujorin e parë të këtij viti është përqendruar te kapitali dhe aksionet në fondet e investimeve, me 28.1 milionë euro, që përbëjnë rreth gjysmën e totalit. Fitimet e riinvestuara kontribuan me 19.7 milionë euro, ndërsa instrumentet e borxhit me 7.6 milionë euro. Kjo tregon se investimet e shqiptarëve jashtë nuk kufizohen vetëm në blerje asetesh financiare, por lidhen edhe me zgjerimin e bizneseve ekzistuese dhe riinvestimin e fitimeve në ekonomitë ku ata operojnë.
Mungesa e stafit sfidon turizmin - Manjani: Po eksplorohet punësimi i të huajve dhe modeli i mobilitetit sezonal
Rritja e numrit të turistëve po shoqërohet me një sfidë të vazhdueshme për bizneset e sektorit të hoteleri-turizmi që lidhet me mungesën e fuqisë punëtore.......
Punësimi i të rinjve, ku renditet Shqipëria në Europë? Punësohen më shumë në veri të kontinentit, Ballkani ende pas
Të dhënat e Eurostat për tremujorin e parë të vitit 2026 tregojnë diferenca të mëdha mes vendeve europiane sa i përket normës së punësimit të të rinjve nga......
Zonat turistike, sistem modern të furnizimit me ujë - Mbi 40 milionë lekë për ujësjellësin në Palasë, Drimadhë e Dhërmi
Shoqëria Rajonale Ujësjellës Kanalizime Vlorë Sh.A ka shpallur hapjen e dy procedurave të tenderuese. Projektet lidhen me furnizimin me ujë të pijshëm për......
Java nis negativisht për Dollarin dhe Paundin – Forcohet sërish franga zvicerane
Dollari amerikan e ka nisur këtë javë negativisht pasi në raport me javën e kaluar ka humbur sërish pikë duke regjistruar zbritje të vlerës gjatë fundjavës......
Rimëkëmbje e ngadaltë e furnizimit me naftë dhe gaz - Paralajmërimi i ekspertëve të energjisë pas marrëveshjes SHBA-Iran
Sipas ekspertëve të energjisë, do të duhen muaj para se kompanitë e energjisë të mund të rifillojnë operacionet dhe të përmbushin kërkesën globale. Ritmi i......
Ndalim mediave sociale për fëmijët nën 16 vjeç - Kryeministri britanik, Keir Starmer, njofton vendimin
Kryeministri britanik, Keir Starmer, tha se do të ndalojë faqet e mediave sociale për fëmijët nën 16 vjeç dhe do të vendosë kufizime në platformat e lojërave......
Vende të lira pune për të gjitha nivelet arsimore - Bizneset kërkojnë punonjës, mbi 6.500 mundësi të hapura
Nëse jeni në kërkim të një vendi pune, Agjencia Kombëtare e Punësimit dhe Aftësive njofton se në portalin puna.gov.al janë shpallur mbi 6 mijë e 500 vende të......
Arrihet marrëveshja e paqes SHBA-Iran/ Trump: do të nënshkruhet të premten
Marrëveshja SHBA-Iran tani është “e përfunduar”, njoftoi Presidenti i SHBA-së Donald Trump. "Marrëveshja me Republikën Islamike të Iranit tani është......
