Euro ngjitet sërish në mbi 1.08 dollarë – Vendimi i Bankës së Japonisë rrëzon jenin me rreth 2%

Euro i është rikthyer fitimeve në sesionin e sotëm, duke u ngjitur sërish në mbi 1.08 në raport me dollarin amerikan dhe po qëndron pranë nivelit më të lartë në 9 muajt e fundit. Ndërkohë, jeni japonez është zhvlerësuar ndjeshëm, pasi Banka e Japonisë mbajti të pandryshuar politikën e saj monetare ultra-lehtësuese, duke zhgënjyer investitorët që prisnin ndryshimin e kursit të politikave.

Muajin e kaluar, banka qendrore surprizoi tregjet duke vendosur një tavan në 0.5% për yield-in e obligacioneve 10-vjeçare. Menjëherë pas këtij vendimi, jeni japonez u dobësua me rreth 2% përballë dollarit amerikan, humbjet më të mëdha ditore që nga qershori i vitit të kaluar.

Indeksi që mat ecurinë e dollarit amerikan, përballë shportës me monedhat kryesore ndërkombëtare po qëndron në rreth 102.7. Në tregun e kriptomonedhave, vijon qëndueshmëria edhe në sesionin e sotëm. Bitcoin po tregtohet në mbi 21 mijë dollarë për fuçi, ndërsa ethereum po tregtohet në rreth 1580 dollarë për fuçi.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.