“Fanboy” i Elon Musk futet në listën e Forbes – Ngritja e “Teslanaires”, Leo KoGuan nga Singapori, aksionerit të tretë në Tesla!

Ai e deklaron veten fans të Elon Musk dhe përdor termin “fanboy”. Themeluesi i SHI International, Leo KoGuan nga Singapori u rendit i 112-ti në listen e më të pasurve në botë, pasi pasuria e tij neto vlerësohet në 7.2 miliardë dollarë, duke tejkaluar ato të George Soros dhe Melinda French Gates. Por, si u fut ky biznesmen në listën e Forbes? Sekreti i tij ishte se ai bleu aksionet e Tesla-s gjatë ditëve të para të pandemisë.

Në një intervistë të vitit 2021 me Bloomberg, KoGuan tha se ai filloi të tregtonte aksione në vitin 2019, duke blerë aksione të kompanive si Baidu dhe Nvidia. Megjithatë, ai filloi të humbiste para’, kështu që zgjodhi të shiste të gjitha aksionet e tij përveç Tesla. Në fakt, ai vazhdoi të blinte aksione në prodhuesin e automjeteve dhe në fillim të vitit 2020 kishte aksione në vlerë prej 1.5 miliardë dollarësh në kompani. Edhe pasi tregjet ranë në javët e para të pandemisë, KoGuan bleu edhe më shumë aksione dhe lëvizja u shpërblye.

Sot, ai zotëron rreth 22.6 milionë aksione të Tesla-s dhe 1.23 milionë opsione, duke e bërë atë aksionerin e tretë më të madh individual të kompanisë pas Elon Musk dhe themeluesit të Oracle, Larry Ellison. KoGuan është ndoshta më i suksesshmi nga të ashtuquajturit “Teslanaires”, investitorët që u bënë milionerë duke vënë baste në aksionet e Tesla-s.

Në fund të vitit 2020 thuhet se ai pagoi rreth 46 milionë dollarë për një apartament në Singapor që i përkiste manjatit të elektronikës James Dyson. KoGuan vijon të investojë të gjithë pasurinë e tij në kompaninë e Elon Musk.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.