Ferrari shënon rekord shitjesh – Viti 2024, dhe me më shumë ritëm porosish
Ferrari ka një libër rekord porosish për modelet e tij vitin e ardhshëm, sipas deklaratës së John Elkann, kreut të aksionerëve të firmës prodhuese të automjeteve sportive. Elkann tha se dy modelet më të fundit të kompanisë italiane, makina hibride plug-in 296 GTS dhe Purosangue me katër ulëse kanë rritur portofolin e produkteve të saj, “duke rezultuar në një numër rekord porosish edhe në vitin 2024”.
Ferrari ka premtuar gjithsej 15 modele të reja midis 2023 – shit dhe 2026 – ës, duke përfshirë automjetin e tij të parë plotësisht elektrik, për të cilën Elkann përsëriti të premten se pritet në 2025 -ën. Kompania ka thënë se, ndërkohë që po ndjek elektrifikimin, automjetet me motor me djegie të brendshme do të jenë ende pjesë e gamës së saj për disa vite.
Shefi Ekzekutiv Benedetto Vigna muajin e kaluar përshëndeti planet e Bashkimit Europian për të lejuar prodhimin e automjeteve që funksionojnë me karburant elektronik përtej një afati zyrtar të vitit 2035 për t’i dhënë fund prodhimit të automjeteve me motor me djegie të brendshme, duke thënë se e-karburantet do të zgjasin jetën e motorëve me djegie.
Vigna tha se Ferrari do të përdorë “partneritetet e zgjedhura” për strategjinë e tij industriale dhe inovative, duke mbajtur në ‘shtëpi’ zhvillimin dhe prodhimin e komponentëve bazë “si motori elektrik, paketa e baterive dhe invertorët”.
Investitorët në Ferrari, e cila kontrollohet nga familja italiane Agnelli përmes kompanisë së saj të investimeve Exor, miratuan gjithashtu një paketë shpërblimi për menaxhmentin e lartë për vitin e kaluar. Shpërblimi total për Vigna arriti në rreth 5 milionë euro për vitin 2022, viti i tij i parë i plotë në krye të kompanisë. Shifra përfshin rreth një milion euro në stimuj afatgjatë të bazuar në aksione.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.