FMN për reformimin e energjisë: Të hiqen subvencionet me bazë të gjerë. Transparencë për drejtimin e ndërmarrjeve shtetërore të energjisë
“Luhatja në tregun global të energjisë nënvizon urgjencën e reformave vendimtare për ta sjellë sektorin e energjisë elektrike në qëndrueshëri financiare dhe për të ulur rreziqet fiskale”.
Është kjo deklarata e FMN në Deklaratën Përmbyllëse të Misionit të Nenit IV për vitin 2022 për Shqipërinë.
FMN deklaron se subvencionet me bazë të gjerë duhet të hiqen, ‘sepse u sjellin përfitime në mënyrë të shpërpjestuar atyre që kanë më shumë mundësi dhe i pengojnë sinjalet e çmimeve’.
Përshtatja graduale e tarifave në nivele që mbulojnë koston është kritike,sipas FMN-së, dhe duhet shoqëruar me masa mbështetje për shtresat në nevojë.
“Është gjithashtu thelbësore që të rritet transparenca e sektorit të energjisë elektrike dhe e drejtimit të ndërmarrjeve shtetërore.” thekson FMN.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.