Fshati italian ofron akomodim falas – Kush mund të aplikojë dhe cilat janë kushtet

Një fshat në ishullin italian të Sardenjës ofron për njerëzit dixhitalë asgjë më pak se akomodim falas. Për të qenë të saktë, është fshati Ollolai, i cili ndodhet në pjesën qendrore të ishullit. Vetë fshati nuk ka shumë banorë, sipas të dhënave të fundit, në vitin 2016 këtu kanë jetuar përgjithmonë pak më pak se 1300 banorë.

Tashmë ka nga ata që përfituan nga rasti dhe janë shpërngulur prej kohësh atje. Një vendndodhje jo turistike, por në të njëjtën kohë të rrethuar nga natyra, ajër i pastër, male, plazhe të bukura, një vend ku mund të gjehet paqe dhe një ritëm më të lehtë jete.

Ollolai ofroi pikërisht këtë. Ndodhet mjaft larg nga bregdeti gjithnjë e më i famshëm i Sardenjës, por mjaft afër që mund ta arrihet relativisht shpejt. Ajo që të gjithë e lavdërojnë veçanërisht, është padyshim ushqimi.

Edhe pse është një zgjedhje e shkëlqyer për nomadët dixhitalë, Ollolai është një nga fshatrat që ka përjetuar një fat të trishtë që është reflektuar në shpopullimin e zonave rurale. Kështu, numri i banorëve ka rënë nga 2250 në 1300 në 100 vitet e fundit.

Meqenëse programi i blerjes së një shtëpie për një euro ishte i suksesshëm, tani është vendosur të investohet në diçka tjetër duke e kthyer në një qendër për nomadët dixhitalë. Programi i quajtur “Puna nga Ollolai” do të presë punëtorë nga e gjithë bota në dy vitet e ardhshme dhe do t’u ofrojë atyre mundësinë e akomodimit falas deri në tre muaj. Kushdo që vendos për këtë opsion duhet të aplikojë deri në fund të vitit.

Përsa i përket socializimit nuk ka probleme, sepse përvoja tregon se mikpritësit janë mjaft të hapur dhe të përzemërt. Sigurisht, megjithëse gjithçka në natyrë tingëllon e lirë, ekziston një kusht i vogël. Kushdo që aplikon duhet të lërë ndonjë gjurmë konkrete të qëndrimit të tij, që mund të jetë një punim shkencor, ose një ese që lidhet me jetën në Ollolai.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.