Google bashkon aplikacionet Meet e Duo – Google Meet do të krijohet pa asnjë kosto shtesë

Google, deklaroi se do të bashkojë aplikacionet e telefonatave me video Meet dhe Duo. Lajmi u konfirmua nga Havier Soltero, menaxher i përgjithshëm i Google Uorkspace, nëpërmjet një postimi në rrjetet sociale.

Soltero tha se në javët e ardhshme Google do të shtojë të gjitha funksionet e Meet tek Duo dhe deri në fund të vitit Duo do të riemërtohet Google Meet.

Ndër veçoritë e Duo-s që do të ruhen, do të jetë mundësia e kryerjes së video telefonatave me miqtë dhe familjarët përmes numrit të telefonit ose adresës së e-mail-it dhe përdorimi i “filtrave dhe efekteve argëtuese”.

I gjithë historiku i bisedave, kontaktet dhe mesazhet do të vazhdojnë të ruhen në aplikacion dhe nuk do të ketë aplikacione të reja për t’u shkarkuar.

Soltero tha se bashkimi do të ndodhë “pa kosto” dhe është pjesë e misionit të Google për të krijuar një “përvojë të ndërlidhur” për të gjithë përdoruesit.

Aplikacioni Google Meet u rendit i pesti për nga popullariteti, sipas një sondazhi të publikuar nga Statista; 29.2% e të anketuarve zgjodhën Meet, ndërsa 55.4% zgjodhën Microsoft Corporation.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.