Google zëvendëson punonjësit me IA – Sektori më i rrezikuar është ai i reklamave

Google po merr në konsideratë të zëvendësojë disa punonjës nga stafi i saj njerëzor me inteligjencën artificiale. Sipas një raporti nga ‘The Information’, kompania po kërkon të rivlerësojë, ose të largojë disa anëtarë të ekipit të shitjeve, punët e të cilëve u automatizuan së fundmi nga mjetet e reja të IA të kompanisë.

Në fillim të këtij viti Google lançoi ‘një epokë të re reklamash të fuqizuara nga IA’ si një mënyrë për të përmirësuar përvojat e reklamuesit me kompaninë, duke përfshirë krijimin e aseteve të dizajnuara nga IA nga klientët për fushatat reklamuese të krijuara posaçërisht për reklamuesin.

Google thuhet se ka 30.000 punonjës që punojnë në sektorin e saj të reklamave, me pothuajse gjysma e atyre që janë të përfshirë në shitjen e reklamave për shërbime të veçanta të reklamave të Google, të cilat nuk nevojiten më falë adoptimit të IA nga reklamuesi. Zëvendësimi i punonjësve me inteligjencë artificiale mund të rrisë në planin afatgjatë rezultatin e Google.

Punët e reklamimit nuk janë të vetmet pozicione që janë të ndjeshme për t’u zëvendësuar nga inteligjenca artificiale. Ndërsa IA bëhet më i avancuar, disa pozicione të mbajtura tradicionalisht nga punonjësit njerëzorë janë potencialisht në rrezik për t’u zëvendësuar nga IA.

Një raport nga kompania Hostinger në fillim të këtij viti zbuloi se IA ka potencialin të zëvendësojë disa vende pune në transportin e kujdesit shëndetësor dhe shërbimet financiare, ndër të tjera. Ai zbuloi globalisht se kujdesi shëndetësor, veçanërisht gjërat si detyrat administrative spitalore, do të ishin disa nga pozicionet e para që do të zëvendësoheshin. Thënë kështu, zhvillimi i IA ka krijuar gjithashtu disa pozicione të reja që nuk ekzistonin më parë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.