Greqi, 87% e konsumatorëve mezi mbyllin muajin – Ata shpenzojnë kursimet dhe mbingarkojnë kartat e kreditit

Grekët e kanë gjithnjë e më të vështirë të mbyllin muajin. Duke mbetur me pothuajse asgjë në fund të muajit, pasi shpenzojnë të gjitha të ardhurat e tyre, ose shpenzojnë më shumë se kaq, 87% e konsumatorëve në Greqi bëjnë, një përqindje që është në fakt më e larta në 24 vende europiane, që nuk arrijnë të kryejnë të gjitha pagesat.

Kjo është ndër gjetjet e para të Anketës Europiane të Pagesave të Konsumatorëve të kryer nga kompania e menaxhimit të dëmeve ‘Intrum’, një anketë që do të publikohet në formën e tij përfundimtare nëntorin e ardhshëm. Këto shifra konfirmojnë se një pjesë e madhe e konsumatorëve po shpenzojnë kursimet – ose akoma më keq, mbimgarkojnë kartat e tyre të kreditit.

Për më tepër, Greqia ka përqindjen e dytë më të lartë të konsumatorëve që nuk i kanë paguar faturat në kohë në 12 muajt e fundit mes 24 vendeve të anketuara nga Intrum: Vetëm 54% e tyre ka shlyer detyrimet në kohë. Ndërkohë që Norvegjia shënon përqindjen më të lartë nga 24 vende në këtë aspket: 57%.

Gjëja interesante është se në të gjithë Europën, 31% e atyre që nuk i paguajnë faturat në kohë thonë se ndjehen më pak fajtorë për këtë vonesë në krahasim me të kaluarën, që mund të nënkuptojë se vendet janë në hapat e parë të një kulture të re pagese, mjaft të rrezikshme. Megjithatë, 43% nuk ​​i kanë paguar faturat në kohë sepse nuk kanë para.

49% e konsumatorëve në Europë thonë se kanë dukshëm më pak të ardhura të disponueshme se një vit më parë, pasi kanë shpenzuar për gjërat thelbësore dhe kanë paguar faturat. Gjysma thonë se për shkak të inflacionit dhe normave të larta të huamarrjes, të ardhurat e tyre reale janë në stanjacion në rastin më të mirë. Një në pesë nuk ka fare kursime, ndërsa 17% kanë kursime të barazvlefshme me të ardhura për më pak se një muaj. Jo vetëm të ardhurat janë në nivelin më të ulët, por edhe ndjesia e konsumatorit, me shumicën që besojnë se do të ketë inflacion të lartë deri në vitin 2025.

Së fundi, 50% e konsumatorëve deklarojnë se do të preferojnë kompanitë që ofrojnë mënyra fleksibël pagese, ndërsa nga ana tjetër 71% do të shmangin kompanitë që konsiderohen fajtore për atë që njihet tashmë si “inflacion lakmie”.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.