Greqia synon energjinë e gjelbër – Athina është në përfundim të disa projekteve që do të ndihmojnë dhe vendet fqinje

Bashkimi europian do e përballojë dimrin e ardhshëm me shpresën e solidaritetit energjitik. Në vend të parë është Greqia, në krye të një serie projektesh që synojnë garantimin e furnizimit me energji elektrike me cmim të moderuar.

Sipas specialistëve të sektorit, rrjeti elektrik i vendit është ndërlidhur me të gjithë sistemet elektrike të vendeve fqinje. Aktualisht është në ndërtim një ndërlidhje e dytë me Bullgarinë e cila do të dyfishojë kapacitetin e transportit të energjisë mes dy vendeve dhe do të ketë një rol të rëndësishëm  në të ardhmen. Projekti do të përfundojë në fillim të viitt 2023 dhe do të ndihmojë në përballjen me vështirësitë e dimrit. Fluksi i elektricitetit varet nga një algoritëm i tregut.

Çdo ditë llogaritet në mënyrë që energjia të vijë nga ku është më ekonomike duke mbrojtur konsumatorët. Greqia është në vend të parë për sa i përket transportimit të energjisë së gjelbër nga Afrika e Veriut.

Ndërlidhja me Egjiptin aktualisht ka hyrë në një fazë studimi të avancuar. Athina këmbëngul se tashmë është e qartë që për të realizuar tranzicionin e gjelbër në Europë, pasi është thelbësore të përdoret potenciali diellor dhe eolik i Afrikës së Veriut, ku ka mjaftueshëm. Teknologjia e domosdoshme për të magazinuar energjinë është përmirësuar në vitet e fundit.

Gjithashtu parashikohen dhe lidhje mes Greqisë, Qipros dhe Izraelit ndërsa punimet do të nisin brenda vitit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.