Hakerat sulmojnë kartat e kreditit – Sulmet më të mëdha kryen në Amerikën e Veriut dhe Europë

Kohët e fundit objektivi i sulmit tëhakerave në të gjithë botën janë bërë kartat e kreditit. Ndër kontinentet ku regjistrohen më shumë sulme të tillë janë Amerika e Veriut dhe Europa. Ndërsa Shtetet e Bashkuara të Amerikës dhe Rusia kryesojnë klasifikimin e shteteve

Kartat e kreditit janë gjithnjë e më shumë objektiv i sulmeve kibernetike. Italia renditet ndër 20 vendet e para duke qenë e 14 nga vendet më të goditura për vjedhjen e të dhënave.

Numri më i madh i viktimave të hakeruara jetojnë në Lazio – 21.1% dhe në Lombardi – 14%. Zonat gjeografike në të cilat sinjalizohen më shumë persona janë veri – 37.8% në total dhe në qendër – 36%. Por në fakt janë banorët në jug dhe në veri që jetojnë në gjendje alarmi për sa i përket këtij fenomeni.

Në vitin 2022 ishin më shumë se 1.6 milionë sulmet kibernetike me objektiv kartat e kreditit. Një rritje prej 4.4% pësuan sulmet që lidhen me numrat telefonikë sipas emrave dhe mbiemrave. Pjesa më e madhe e llogarive të sulmuara ka të bëjë me blerjen apo aktivizimin e lojërave online si dhe për takime në rrjete specifike sociale – 37.2%. por në rritje janë dhe sulmet kibernetike ndaj profileve sociale me + 125.8%.

Klasifikimi i kontinenteve që janë më të goditura nga sulmet kibernetike ndaj karatve të kreditit sheh në krye Amerikën e Veriut, ndjekur nga Europa që lë pas Azinë, ndërsa Amerika e Jugut kalon Afrikën. Në fund të klasifikimit renditet Oqeania.

Ndërsa në krye të klasifikimit sipas shteteve janë Shtetet e Bashkuara të Amerikës, Rusia, Mbretëria e Bashkuar, Brazili dhe India. Vendet e tjera që mbyllin dhjetëshen kanë Kanadaja, Franca, Spanja, Japonia dhe Kina.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.