KESH, shitje energjie “jashtë” bursës – Transaksioni u krye nga faqja e internetit, u siguruan 2.6 mln euro

Pavarësisht nisjes së operimit të Bursës Shqiptare të Energjisë Elektrike, jo të gjitha transaksionet e shit-blerjes së energjisë po kryhen përmes këtij instrumenti. Procedura e fundit e realizuar nga Korporata Elektorenergjetike Shqiptare për shitje energjie është realizuar përmes publikimit të njoftimit në faqen e internetit të kompanisë, ndërkohë që transaksioni është finalizuar, duke shitur një total prej 39 258 mWh energji.

Çmimi mesatar me të cilin është shitur energjia varion nga 64 – 68 euro/ Mëh, ndërkohë që të ardhurat e siguruara arrijnë në 2.6 mln euro.  Realizimi i kësaj procedure kthen në vëmendje nevojën për pjesëmarrjen e operatorëve privatë në bursë, duke qenë se aktualisht janë listura vetëm kompanitë publike të energjisë. Për këtë arsye, ekspertët në vend e kanë konsideruar si të paplotë operimin vetëm me pjesëmarrajen e 3 kompanive të OSHEE Group, OST-së dhe KESH-it, pa asnjë kompani private të listuar.

Në kët linjë ka qëndruar edhe Sekretrariati i Komunitetit të Energjisë, që pak ditë më parë e konsideroi si hap pozitiv nisjen e operimeve të Bursës Shqiptare të Energjisë Elektrike, ALPEX por theksoi se sfidë mbetet sigurimi i një tregu likuid dhe përdorimi nga operatorët publikë dhe privatë. Sekretariati shtoi se zhvillimi i tregut të ditës në avancë është një moment i rëndësishëm drejt sigurimit të një sinjali transparent çmimesh për investimet në energjinë e rinovueshme.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.