Kina mbetet partneri më i madh tregtar i Gjermanisë për të shtatin vit radhazi!
Kina ishte partneri më i madh tregtar i Gjermanisë në vitin 2022 për të shtatin vit radhazi, treguan shifrat e publikuara të enjten, ndërsa politikëbërësit vijojnë të shqetësohen për mbështetjen e tepruar ekonomike nga Pekini.
Mallra me vlerë 297.9 miliardë euro (318.9 miliardë dollarë) u shkëmbyen midis dy vendeve vitin e kaluar, 20 % më shumë pavarësisht nga ndikimi i vazhdueshëm i pandemisë së koronavirusit, sipas agjencisë federale të statistikave Destatis.
Deficiti tregtar i Gjermanisë me Kinën, diferenca midis vlerës më të madhe të importeve dhe eksporteve më të vogla arriti në 84.3 miliardë euro, shifra më e madhe që nga fillimi i regjistrimeve të organit të statistikave në vitin 1950.
Importet nga Kina u rritën në 191.1 miliardë euro në vitin 2022, një rritje prej 33 % krahasuar me një vit më parë. Ndërkohë, vlera e eksporteve ngeci në masë të madhe, duke u rritur vetëm 3 % në vitin 2022 në 106.8 miliardë euro.
Shifra e pakët bëri që Kina të zbriste dy vende në vendin e katërt në renditjen e destinacioneve të eksportit për mallrat gjermane. Frika është rritur në Gjermani për një mbështetje të tepruar nga Kina në sfondin e tensioneve midis Perëndimit dhe Pekinit për lidhjet e tij me Rusinë dhe çështjet e të drejtave të njeriut.
“Gjermania ka nevojë urgjente për një strategji për më shumë diversifikim” larg Kinës për të siguruar furnizimin e lëndëve të para dhe mallrave kryesore, veçanërisht të elektronikës, tha instituti ekonomik gjerman IfW Kiel në një raport të botuar të mërkurën.
Shtetet e Bashkuara, partneri i dytë më i rëndësishëm tregtar i Gjermanisë në përgjithësi, ishte destinacioni numër një për artikujt “made in Germany”, duke thithur 156 miliardë euro importe.
Në përgjithësi, suficiti tregtar i Gjermanisë ishte në nivelin më të ulët që nga viti 2000 në 2022. Treguesi i rëndësishëm për centralin tradicional të eksportit ra në 79.7 miliardë euro në vit për shkak të rritjes së kostos së importeve të energjisë, sipas Destatis.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.