Puna nga shtëpia “tkurr” ekonominë – New York humbet 12 miliardë dollarë në vit
Më shumë se 12 miliardë dollarë më pak në një vit. Kaq i kushton qytetit të Neë York në termat e fitimeve të munguara. Sipas nëj raporti të publikuar nga Bloomberg, xhiroja e fitimeve që lidhet me udhëtarët e përditshëm në Manhattan është reduktuar me 12.4 miliard dollarë në vit në krahasim me periudhën para pandemisë. Thënë ndryshe: Për të punësuarit bëhet fjalë për një kursim të shpenzimeve të tyre, por restorantet, baret, klubet, palestrat, parukieritë, dyqanet e vogla, evenimentet sportive dhe koncertet shënojnë rënie të ndjeshme të fitimeve të tyre.
Sipas raportimit të Forbes, rreth 50% e të punësuarve në zyra në Manhattan ndodhet aktualisht në vendet e punës, që gjithësesi është një shifër në rritje në krahasim me 49% në 2022-shin. Më pak se 10% e të punësuarëve është në zyrë për pesë ditë të javës. Numri i atyre që punojnë nga shtëpia ka zbritur nga 16% në shtator 2022 në 10% në muajin janar. Parashikohet që niveli i rikthimit në zyra të arrijë deri në 56%.
Analiza e sondazhit të Bloomberg tregon se të punësuarit në New York shpenzojnë pothuajse 5 mijë dollarë më pak secili në zonat pranë zyrave të tyre, për të ngrënë mëngjes, drekë apo për një darkë me klientët ose vajtjen në ndonjë spektakël. Bëhet fjalë për humbjen më të madhe të të punësuarve në krahasim me cdo qytet tjetër të Shteteve të Bashkuara të Amerikës.
Kur bizneset reduktojnë fitimet, pakësohen dhe të ardhurat fiskale. Si pasojë, qyteti duhet të pezullojë shërbimet e komunës. Kjo nënkupton një reduktim të punësimeve dhe një përshpejtim të pushimebe nga puna në rradhët e agjentëve të policisë, zjarrfikësve, personeli i transporteve publike, infermierë dhe mësimdhënës. Një vit më parë, në këtë periudhë, i shqetësuar për një spirale ekonomike negative, kryebashkiaku i New York u takua me 100 administratorë të përgjithshëm në përpjekje për të rikthyer të punëzuarit në zyrat e tyre për të stimuluar ekonominë e qytetit. Ekonomia lokale varet nga personat që vijnë në New York. Pasojat e punës nga shtëpia po vlerësohen shumë seriozisht kohët e fundit. Nëse të punësuarit nuk do të kthehen masivisht në zyrat e tyre, do të ndodhë një mbyllje zinxhir e aktiviteteve tregtare. Një situatë që do të dëmtonte dhe turistët.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.