Krijohet Task-Forca për trajtimin e pasurive të paluajtshme “tokë bujqësore” – Synohet zgjidhja e problematikave për pronat pa titull pronësie
Nëpërmjet një njoftimi të publikuar në Fletoren Zyrtare është bërë me dije se Këshilli i Ministrave ka vendosur krijimin e një Task-Force ndërinstitucionale për mënyrën e trajtimit të pasurive të paluajtshme “tokë bujqësore”, në përdorim të personave fizikë (individë) pa titull pronësie.
Qëllimet e këtij vendimi dhe të veprimtarisë së Task-Forcës që krijohet nëpërmjet tij janë:
a) identifikimi i problematikave në lidhje me zbatueshmërinë e legjislacionit në fuqi për tokat bujqësore në përdorim, pa titull pronësie
b) hartimi i planit të veprimit për trajtimin dhe zgjidhjen e problematikës
c) koordinimi ndërmjet institucioneve qendrore, vendore, Agjencisë Shtetërore të Kadastrës dhe përdoruesve faktikë të tokës bujqësore, në funksion të zgjidhjes përfundimtare të problematikave.
Task-Forca krijohet për njësi administrative territoriale të veçanta dhe përbërja e saj miratohet me urdhër të Kryeministrit. Task-Forca drejtohet nga kryetari dhe ka në përbërje të saj deri në një përfaqësues të secilit prej institucioneve të mëposhtme:
a) Agjencia Shtetërore e Kadastrës;
b) Ministria e Bujqësisë dhe Zhvillimit Rural;
c) Ministria e Financave dhe Ekonomisë;
ç) Ministria e Drejtësisë;
d) Agjencia e Trajtimit të Pronës;
dh) Autoriteti Shtetëror për Informacionin
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.