Kriza e gazit: Gjermanët nxitojnë të grumbullojnë qymyr për të përballuar dimrin!

Nga frika e një ndërprerjeje totale të gazit rus gjatë dimrit si hakmarrje ndaj sanksioneve të Bashkimit Europian për pushtimin e Ukrainës, gjermanët tani po grumbullojnë qymyr. Në kryeqytetin Berlin, karburantet fosile tani janë bërë një mall i rrallë.

Në Berlin, 5,000 deri në 6,000 familje ende ngrohen me qymyr, një pjesë e vogël e rreth 1.9 milionë shtëpive, sipas të dhënave zyrtare. Këta janë shpesh njerëz të moshuar, ndonjëherë krejtësisht të varur nga kjo lëndë djegëse dhe që jetojnë në shtëpi të vjetra që nuk janë rinovuar kurrë, ose adhurues të nxehtësisë së madhe që buron nga sobat e vjetra.

Por këtë vit, kanë mbërritur klientët e rinj të shumtë të cilët po nxitojnë të krijojnë rezerva për dimër.

Dhe ndërsa çmimet e qymyrit janë rritur, ai mbetet shumë më i ulët se ai i gazit apo i drurit.

Prodhimi i qymyrit është rritur në të gjithë Gjermaninë që nga fillimi i vitit, por ndërsa kërkesa është e madhe, furnitorët janë të shqetësuar se mund të mos jenë në gjendje ta përmbushin atë plotësisht gjatë dimrit.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.