“Kriza financiare do të shtrihet në 5 vitet e ardhshëm” – Oxfam: Ekonomitë në zhvillim, 220 miliardë dollarë reduktime në buxhet

Sipas një raporti të publikuar nga Oxfam International, disa nga kombet më të varfra të botës do të pësojnë shkurtime buxhetore prej 220 miliardë dollarësh gjatë pesë viteve të ardhshëme si rezultat i një krize financiare që po i çon drejt falimentimit.

Sipas hulumtimit të Oxfam, që u botua në fillim të takimeve të FMN e Bankës Botërore në Marrakech dhe u bazua në perspektivat e FMN-së, kombet me të ardhura të ulëta dhe të mesme të ulëta do të duhet të paguajnë afërsisht gjysmë miliardë dollarë në interesa dhe borxhe deri në 2029-ën.

Ndërsa, rritja e normave globale të interesit, rritja e inflacionit dhe një mori goditjesh ekonomike pas epidemisë së COVID-19 dobësuan financat e shtetit, një numër rekord vendesh në zhvillim janë në krizë borxhi. Që nga marsi, nëntë shtete të kanë përjetuar 14 situata të qarta të mospagimit që nga viti 2020, sipas agjencisë së vlerësimit Fitch.

Oxfam i kërkoi FMN-së dhe Bankës Botërore që të fokusohen më pak në ristrukturimin e borxhit dhe reduktimin e shpenzimeve dhe në vend të kësaj të përdorin krizën për të ndërtuar një sistem më të drejtë.

Amitabh Behar, drejtor ekzekutiv i përkohshëm i Oxfam International, deklaroi se reagimi ndaj krizës së borxhit mbështetet më shumë tek kursimi dhe përgjigja e tyre ndaj hendekut financiar është më shumë kredi.

Më parë, Oxfam dhe organizata të tjera ndihmëse u kërkuan kreditorëve të huaj që të falin borxhet e vendeve në zhvillim që përjetojnë vështirësi ekonomike. Hulumtimi gjithashtu deklaroi se shpenzimet e kujdesit shëndetësor po tejkalojnë pagesat e shërbimit të borxhit për vendet më të varfra me një raport prej katër me një.

Gjatë epidemisë, qeveritë përdorën kosto të ulëta të huamarrjes për të mbrojtur ekonomitë e tyre. Tani që ata duhet ta rinovojnë atë borxh me një kosto shumë më të lartë, po rriten shqetësimet për deficite fiskale të pamenaxhueshme.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.