Kryeqyteti “mbledh” tatimpaguesit e mëdhenj – Si kanë kontribuar në barrën tatimore për 5 vite?
Në shumë administrata homologe, dhe në vendin tonë prej vitesh funksionon brenda strukturës së administratës tatimore qendrore Drejtoria e Tatimpaguesve të mëdhenj. Kjo njësi ka si qëllim plotësimin e objektivave për të siguruar dhe garantuar të ardhurat tatimore si dhe për të menaxhuar tatimet e taksat për tatimpaguesit e mëdhenj.
Por cila është barra tatimore që mban Drejtoria e Tatimpaguesve të Mëdhenj krahasuar me atë të kryqytetit?
Referuar të dhënave të raportit të qendrës ekonomike Altax, janë pasqyruar raportet e peshës së barrës së të ardhurave që mban Drejtoria e Tatimpaguesve të Mëdhenj duke e krahasuar me peshën që mban Drejtoria e Tiranës.
Siç shihet dhe në grafikë, të dhënat tregojnë që nga viti 2018 pesha e barrës tatimore prej Drejtorisë së Tatimpaguesëve të Mëdhenj ka rënë në një nivel i cili nuk përkon me objektibin kryesor të përformancës vjetore.
Por duke e krahasuar me dy strukturat tatimore, pesha ka shkuar në Drejtorinë e Tatimpaguesve të Tiranës ku në 5 vite pesha e barrës tatimore për Drejtorinë e Tatimpaguesëve të mëdhenj ka arritur në 34% ndërsa për qarkun e Tiranës në 37%.
Në rastin ku pesha është matur në raport me PBB-në, sipas grafikut tregon një nivel të ulët të peshës së mbledhjes së të ardhurave tatimore në buxhet. E kësisoj, ky fakt tregon se bizneset e medha të Shqipërisë nuk mbajnë peshën e madhe të barrës tatimore.
Nga të dhënat e detajuara në 5 vitet e fundit, pesha e barrës tatimore ndaj PBB-së përsëri kontributin më të madh e japin tatimpaguesit e mëdhenj të kryeqytetit duke arritur në 7.9%.
Diamila Leka / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.