Lindjet, prioritet dytësor i të rinjve – Pano: Nuk marrin hapa drejt përgjegjësive, mungojnë edhe politikat mbështetëse të shtetit
Pastori Akil Pano i ftuar në emisionin “Studio Intel” u shpreh se trendi rënës i lindjeve në Shqipëri është më shumë se i trishtë, është një tragjedi. Ai theksoi se mungesa e linshmërisë lidhet drejpërdrejt me modernitetin si fenomen.
Sipas tij çiftet e reja sot po i kushtojnë më shumë rëndësi karrirës së tyre ose jetës profesionale dhe hezitojnë të marrin hapa kundrejt përgjegjesive siç janë krijimi i familjes apo lindja e një fëmije për shkak se në mes futet edhe pasiguria financiare.
Ndër të tjera ai tha se realiteti i zymtë në vendin tonë sa i përket lindshmërisë lidhet edhe me politikat shterpë të administratave që kanë qeverisur Shqipërinë. Mungesa e politikave të duhura ndihet kryesisht në nxitjen e punësimit të të rinjve dhe në mbështetjen financiare të projekteve që çiftet mund të kenë.
Pastori solli për publikun rastin e Hungarisë e cila ka aplikuar politika në dimensionin fiskal në mbështetje të familjeve të reja.
Xhorxhina Deda/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.