Mbahet në Tiranë samiti i Procesit të Berlinit – Krerët e BE: Integrim në tregun e përbashkët evropian, por duhen reforma

Liderët e Bashkimit Evropian dhe Ballkanit Perëndimor u mblodhën në Tiranë për të marrë pjesë në Samitin e Berlinit, që për herë të parë zhvillohet jashtë kufijve të unionit. Pjesë e këtij eventi ndërkombëtar ishin 6 kryeministrat e rajonit, si dhe përfaqësues të nivelit të lartë dhe organizmave ndërkombëtare të mbi 25 vendeve, mes të cilëve Kancelari i Gjermanisë Olaf Scholz, Presidentja e Komisionit Europian, Ursula von der Leyen, Presidenti i Këshillit Europian Charles Michel, si edhe një sërë kryeministrash të vendeve anëtare të Bashkimit Europian.

Pjesëmarrësit në Samit u mikpritën nga kryeministri Edi Rama në një ceremoni të posaçme në Bulevardin “Dëshmorët e Kombit”.

Samiti u hap nga kryeministri Rama, i cili në fjalën e tij kritikoi mungesën e mbështetjes ekonomike.

Ndërkaq, krerët e Bashkimit Evropian e vunë theksin te plani i rritjes që ka Bashkimi Evropian për vendet e Ballkanit Perëndimor dhe te qëllimi kryesor I Unionin që është integrimi I vendeve të Ballkanit Perëndimor në tregun e përbashkët evropian, duke theksuar se për të përfituar duhen reforma.

Ndërkaq, kancelari gjerman Olaf Scholz dhe presidenti I Këshilit Europain Charles Michel u  ndalën te kapërcimi i konflikteve që ekzisotjnë në rajon, si e vetmja rrugë drej anëtarëimit në Bashkimin Evropian.

Ola Mire / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.