Më të mirët dhe më të talentuarit në botë po vërshojnë në këto vende!

Zvicra është edhe një herë vendi më konkurrues për talentet në botë, sipas Indeksit Global të Konkurrencës së Talenteve 2023 nga shkolla e biznesit INSEAD. Vendi europian ka mbajtur kurorën e tij për dhjetë vjet rresht, duke përfituar nga “nivelet e larta të mbrojtjes sociale” dhe cilësia e mjedisit të tij natyror, vuri në dukje raporti.

Në mënyrë të ngjashme, Singapori gjithashtu mbajti fortesën e tij për vendin e dytë falë fuqisë punëtore me arsim të lartë dhe ekonomisë inovative, e ndjekur nga SHBA-ja e cila është ngjitur në vendin e tretë pasi ka zënë vendin e katërt në renditjen e 2022.

Raporti vjetor mat se si 134 vende tërheqin, rriten dhe ruajnë talentin e tyre. Dhjetë vendet e para kanë mbetur të qëndrueshme gjatë dekadës së fundit, me Zvicrën dhe Singaporin që vazhdimisht kryesojnë listat si “liderë të qartë”.

“Gjatë dekadës së fundit, ne kemi parë një lidhje të palëkundur midis pasurisë së një vendi dhe aftësisë konkurruese të talenteve të tij, me ekonomitë më të pasura që vazhdojnë të tejkalojnë ekonomitë më të varfra,” thuhej në raport. Vende të tjera europiane gjithashtu kanë dalë mirë në listë. Danimarka, Holanda, Finlanda dhe Norvegjia dolën respektivisht në vendin e katërt, të pestë, të gjashtë dhe të shtatë.

Vendet konkurruese më të talentuar në botë

Renditja                                                                   Shteti

Përmendje të tjera të dukshme përfshijnë Australinë, e cila doli në vendin e tetë, dhe Mbretërinë e Bashkuar në të dhjetën. Kina është ngritur në renditje nga vendi i 47-të në vendin e 40-të.

India, e cila parashikohet gjerësisht të bëhet ekonomia e tretë më e madhe deri në vitin 2030, u rendit në vendin e 103-të. INSEAD ia atribuoi këtë një “rënie të ndjenjës së biznesit”, e cila dëmtoi aftësinë e saj për të tërhequr talente si nga jashtë ashtu edhe brenda vendit.

“Kjo ka çuar gjithashtu në një mospërputhje të shtuar të aftësive dhe një vështirësi më të madhe në gjetjen e punonjësve të aftë,” shtoi raporti. Konkurrenca e vendeve për talentin do të bëhet më e ashpër gjatë dekadës së ardhshme pasi pasiguritë dhe tensionet ndërkombëtare vazhdojnë të shtohen në tregti, investime dhe politikë.

“Ne mund të presim më shumë luftëra talentesh,” vuri në dukje raporti, duke shtuar se cilësia e jetës dhe qëndrueshmëria do të jenë një “aset kritik” për vendet që vendosin veten të bëhen qendra të talenteve.

Për më tepër, ardhja e AI në industri të ndryshme mund të përkeqësojë pabarazinë e talenteve. “Puna e pakualifikuar ose me kualifikim të ulët do të përballojë një pjesë të madhe të presionit shtesë, ndërsa kategoritë e reja të punëtorëve, disa me aftësi më të larta, do të vuajnë nga konkurrenca më e fortë nga algoritmet dhe pajisjet e specializuara.”

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.