Microsoft shkurton 10 mijë vende pune – Brenda muajit mars kompania redukton stafin

Microsoft parashikon të pushojë nga puna 10 mijë persona, ose 5% të totalit. Konfirmimu u bë pikërisht nga kompania amerikane, duke shpjeguar se një vendim i tillë u mor për shkak të kushteve aktuale ekonomike.

Pushimet nga puna, sipas Microsoft, do të ndodhin brenda muajit mars, duke krijuar dhe më shumë paqëndrueshmëri në një sektor të goditur nga impakte të rëndësishme sociale kohët e fundit.

Shkurtimet e vendeve të punës vijnë menjëherë pas vendimeve të ngjashme nga Meta, Amazon e Twitter që kanë regjistruar mijëra të pushuar nga puna në sektorin teknologjik, të cilët do të kenë një peshë prej 1.2 miliardë dollarë në tremujorin e dytë të vitit. Situata e krijuar ndodh pas një vale të rëndësishme punësimesh në sektorin teknologjik gjatë mbylljes së vendit për shkak të pandemisë së covid; gjatë të cilës kërkesa e lartë bëri që kompanitë të ndërmerrnin punësime në masë.

Microsoft në një deklaratë të shkurtër u shpreh se askush nuk mund të sfidojë gravitetin në një moment që inflacioni i lartë po ndikon në rritjen ekonomike në të gjithë botën.

Si shumë gjigantë të tjerë teknologjikë, Microsfot punësoi mijëra persona – më shumë se 75 mijë që nga fillimi i pandemisë. Por rritja e normave të interesit dhe perspektiva e një recesioni po dobësojnë kompaninë. Por nga ana tjetër punësimet në sektorët startegjikë të Microsoft po vazhdojnë duke synuar forcimin e saj.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.