Mishi sintetik në treg – Pas 15 vitesh do të kalojë atë tradicional!

Qofte, mish për hamburgerë, salçiçe. Por edhe pije soje apo bajame. Sot, proteinat bimore kanë vlerën e 34% të tregut europian. Por në rreth pesëmbëdhjetë vjet parakalimi do të jetë realitet: mishi tradicional do të vlejë vetëm 40% të konsumit global, 60% e mbetur do të përbëhet nga dy të tretat me proteinat me bazë bimore dhe një e treta nga mishi sintetik. Me pak fjalë, revolucioni në pjatë është shumë pranë.

Parashikimet vijnë nga Porsche Consulting. Për sa i përket cmimit, proteinat bimore janë tashmë konkurruese në krahasim me mishin dhe qumështin tradicional. Për mishin sintetik, nga ana tjetër, do të duhet të pritet edhe disa vite, edhe nëse laboratorët po punojnë tashmë për të arritur objektivin prej 20 euro për kilogram. Produktet me bazë bimore po rriten tashmë me një ritëm të përshpejtuar: në Europë, midis 2020 dhe 2023, tregu i pijeve bimore u rrit me 68% dhe ai i qofteve dhe mishit për hamburgerë ‘të gjelbër’ me 88%.

Nga ana e saj, bota e proteinave 2.0 – qofshin ato bimore apo sintetike – ka kartën e qëndrueshmërisë. Porsche Consulting llogarit gjithmonë se prodhimi i mishit dhe produkteve tradicionale të qumështit zë rreth një të tretën e tokës së banueshme globalisht. Mishi dhe qumështi janë përgjegjës për 80% të emetimeve totale të CO2 nga prodhimi i ushqimit. Në të kundërt, mishi nga perimet redukton emetimet në atmosferë midis 30 dhe 90%, kursen midis 72 dhe 99% të ujit dhe konsumon 90% më pak tokë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.