Na pret një vit më i vështirë ekonomik? – Ekspertët: Çmimet do të vijojnë të jenë të larta, varfëri dhe emigracion

Teksa është mbyllur një vit i vështirë ekonomik për qytetarët shqiptarë, duket se edhe vitit 2023 do të qendrojë në të njëjtën linjë, ku qytetarët sërish do ta kenë të vështirë përballimin e kostove të jetesës, pasi çmimet e larta mesa duket do të jenë dominante. Ekspertja e ekonomisë, Suzana Guxholli, parashikon se 2023-shi do të jetë vit i varfërisë.

Në të njëjtën linjë qëndron edhe ekonomisti Dritan Shano, sipas të cilit qeveria nuk po ndjek një strategji ndryshe, e cila mund të sjellë përmirësim të situatës.

Për ekspertin Zef Preçi, ky vit do të ketë si element të shtuar përqendrimin në investime, për shkak të zgjedhjeve vendore.

Ministria e Financave parashikon që ky vit të mbyllet me një rritje ekonomike prej 2.6 për qind të Prodhimit të Brendshëm Bruto, ndërsa shpreson që inflacioni të ketë tendencë rënëse.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.