Nafta bie pranë 84 USD për fuçi – Rikthehen shqetësimet për një recesion global gjatë 2023

Nafta po qëndron në rënie në sesionin e sotëm, pasi të dhënat e dobëta mbi ekonominë amerikane kanë rritur shqetësimet për një recesion të mundshëm global, që përkthehet në një reduktim të kërkesës.

Megjithatë, dy bençmarkët kryesorë pritet të publikojnë fitimet javore për shkak të vendimit të OPEC+ për të reduktuar kuotat e prodhimit. Nafta Brent e Londrës po tregtohet në rreth 84 dollarë për fuçi, ndërsa nafta Bruto amerikane po tregtohet në rreth 79 dollarë për fuçi.

Por, gjatë kësaj jave të dyja kontratat kanë fituar mbi 5% të vlerës. Referuar të dhënave në SHBA, sektori i shërbimeve u ngadalësua më shumë se parashikimet e analistëve, gjatë marsit, pasi kërkesa vijoi dobësimin.

Gjithashtu, edhe një tregues i çmimeve që bizneset e shërbimeve kanë paguar ra në nivelin më të ulët në 3 vitet e fundit, duke i dhënë një mbështetje Rezervës Federale në luftën kundër inflacionit. Megjithatë, investitorët po tregohen të kujdesshëm sepse po presin të dhënat mbi punësimin në SHBA, gjatë marsit.

Sipas të dhënave zyrtare të publikuara në SHBA, rezervat e naftës bruto ranë me 3.7 milionë fuçi, gjatë javës së kaluar, rreth 1.5 milionë fuçi më shumë se parashikimet e tregjeve.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.