Nafta Brent, nën 85 dollarë për fuçi – Dollari vijon të rritet dhe të shtojë frikën në tregje për recesion global
Nafta e papërpunuar Brent ra nën 85 dollarë për fuçi të hënën, për shkak të rritjes së në tregje të frikës së recesionit, si dhe forcimit të mëtejshëm të dollarit amerikan. Kontratat e së ardhmes Brent për nëntorin ranë në rreth 84,53 dollarë në fillim të ditës, përpara se të rikuperoheshin në 85,85 dollarë deri në orët e mesditës. Ndërkohë, nafta e Teksasit Perëndimor u tregtua në rreth 80 dollarë.
Dollari amerikan u rrit në nivelin më të lartë që nga viti 2002, ndërsa stërlina ra në nivelin më të ulët rekord kundrejt kartmonedhës së gjelbër. Të premten, të dyja kontratat e së ardhmes, ajo Brent dhe e Teksasit Perëndimor ranë rreth 5% për të arritur nivelin e tyre më të ulët që nga janari.
Analistët e tregjeve shprehen se rënia e çmimeve të naftës është rrjedhojë e një dollari më të fortë, që po shkakton frikën e një recesioni global. Këto zhvillime vijnë ndërsa bankat qendrore në mbarë botën, përfshirë SHBA-në dhe Britaninë e Madhe, vazhdojnë të rrisin normat e interesit në një përpjekje për të frenuar inflacionin.
Gjithashtu, analistët mendojnë se një ulje e mëtejshme e çmimit të naftës Brent, si ato të mesit të viteve ’80, mund të sjellin lëvizjen e menjëhershme të OPEC+ për të mbështetur çmimet.
Ndërsa, Rusia paralajmëroi se nuk do të furnizojë vendet që bien dakord për të kufizuar çmimet e naftës së saj të papërpunuar dhe tregjet parashikojnë një recesion, sektori i energjisë mund të jetë i pari që do të gjejë mbështetje, pasi dollari të stabilizohet.
Frika rreth një ngadalësimi ekonomik vazhdon të rritet dhe sipas ekspertëve, ekziston 80% mundësi që ekonomia e SHBA të bjerë në recesion.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.