Nafta ngjitet sërish pranë 86 USD – Agjencia Ndërkombëtare e Energjisë parashikon rritje të kërkesës

Nafta është rritur ndjeshëm në sesionin e sotëm, pasi Agjencia Ndërkombëtare e Energjisë parashikon një rritje të ndjeshme të kërkesës gjatë këtij viti, duke zbehur edhe të dhënat për rritjen e rezervave të naftës në SHBA. Nafta Brent e Londrës po tregtohet në rreth 86 dollarë për fuçi, ndërsa nafta Bruto amerikane po tregtohet në rreth 79 dollarë për fuçi.

Referuar të dhënave zyrtare nga Administrata për Informimin mbi Energjinë, rezervat e naftës në SHBA u rritën me 16.3 milionë fuçi, gjatë javës së kaluar, në totalin e 471.4 milionë fuçive, nivelin më i lartë që nga qershori i vitit 2021. Por, çmimet u mbështetën nga Agjencia Ndërkombëtare e Energjisë e cila parashikon se kërkesa për naftë, gjatë këtij viti do të rriten me 2 milionë fuçi naftë në ditë, gjatë 2023, në rritje me 100 mijë fuçi krahasuar me vlerësimin e muajit të kaluar.

Në këtë mënyrë, kërkesa globale për naftë do të arrijë në 101.9 milionë fuçi në ditë. Sipas agjencisë, Kina do të përfaqësojë rreth gjysmën e rritjes së kërkesës, për shkak të lehtësimit të masave kundër Covid-19.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.