Nafta ruse “avullon” nga tregu! – Parashikimet për vitin e ardhshëm. Do të prodhohen 1.4 milionë fuçi në ditë më pak

Prodhimi rus i naftës do të bjerë me 1.4 milionë fuçi në ditë vitin e ardhshëm pasi Bashkimi Europian vendosi një ndalim për eksportet e naftës së papërpunuar në Rusi. Lajmi u konfirmua nga agjencia ndërkombëtare e energjisë.

Agjencia e energjisë me bazë në Paris, në raportin e saj mujor për naftën, theksoi se ky reduktim do të destabilizojë tregjet e naftës dhe do të rrisë presionin mbi çmimet.

Ndër të tjera në raport thuhet se ndalimi i Bashkimit Europian për importin e naftës bruto ruse dhe ai i aktiviteteve detare do të rrisë presionin mbi çmimet globale të naftës, dhe vecanërisht mbi tregjet që aktualisht janë të konsoliduara.

Bashkimi Europian do të ndalojë shitjen e naftës ruse nga 5 dhjetori si dhe atë të produkteve ruse të naftës nga 5 shkurti i vitit të ardhshëm, duke privuar Rusinë nga të ardhurat e naftës; dhe duke detyruar një nga prodhuesit dhe eksportuesit më të mëdhenj të naftës në botë, të kërkojë tregje të reja.

Për më shumë, nisma e G7-ës, e projektuar si një zgjatje në kohë e embargos së Bashkimit Europian, do të lejojë ofruesit e shërbimeve të transportit detar që të ndihmojnë në eksportin e naftës ruse, por vetëm me çmime më të ulëta. Ky vendim do të hyjë sërish në fuqi në 5 dhjetor.

Kjo do të thotë se Bashkimit europian do t’i duhet të zëvendësojë 1 milion fuçi nafte bruto në ditë dhe 1.1 milon fuçi me produkte nafte. Sipas agjencisë ndërkombëtare të energjisë çmimet do të jenë 70% më të larta në krahasim me një vit më parë, duke kontribuar dhe më shumë në rritjen e inflacionit global.

Agjencia tha se rifillimi i flukseve të tregtisë globale, në një moment që Rusia kërkon të shesë më shumë naftë në tregjet jo-BE dhe ndërsa BE blen nga vende të tjera mund të lehtësojë presionin mbi naftën dhe produktet, por kërkesa e fortë për cisterna më të vogla nafte mund të krijojë probleme.

Agjencia parashikon që kushtet e këqija ekonomike do të bëjnë që konsumi global i naftës të tkurret me gati gjysmë milioni fuçi në ditë në tremujorin e katërt të 2022-shit nga viti në vit, me rritjen e kërkesës që do të ngadalësohet në 1.6 milion fuçi nafte në ditë në 2023-shin nga 2.1 milion fuçi në ditë këtë vit.

Një ekonomi e dobët kineze, energji më e dobët në Europë dhe një dollar më i fortë kanë ndikuar të gjitha mbi konsumin. Por agjencia e rriti pak parashikimin e saj për rritjen e kërkesës kineze për vitin e ardhshëm me 100 mijë fuçi në ditë në 15.7 milionë fuçi në ditë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.