Nafta tregtohet pranë 86 USD – Qeveria amerikane do të hedhë në treg rezervat strategjike
Nafta po qëndron në rënie të lehtë në sesionin e sotëm, pasi qeveria amerikane deklaroi se do të hedhë në shumë naftë në treg nga rezervat e saj strategjike, duke hedhur poshtë edhe pritshmëritë e analistëve se ky vendim do të shtyhej. Nafta Brent e Londrës po tregtohet në rreth 86 dollarë për fuçi, ndërsa nafta Bruto amerikane po tregtohet në rreth 79 dollarë për fuçi.
Departamenti i Energjisë në SHBA deklaroi se do të shesë rreth 26 milionë fuçi naftë nga rezervat strategjike, që do të ulë totalin në nivelin më të ulët që nga viti 1983. Vitin e kaluar, administrata e presidentit, Joe Biden shiti një rekord prej 180 mijë fuçi naftë.
Gjithashtu, investitorët po presin edhe të dhënat mbi inflacionin në SHBA për janarin, dhe analistët parashikojnë një rritje me 0.5% pas dy muajsh me radhë në rënie. Ndër zhvillimet e tjera, eksportet e naftës nga portet në Turqi kanë rifilluar, pas tërmetit shkatërrimtar që goditi këtë vend, një javë më parë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.