Nafta zgjeron humbjet – Investitorët, të shqetësuar për mbifurnizimin e tregut

Nafta po qëndron në rënie edhe në sesionin e sotëm, duke zgjeruar humbjet e një dite më parë, për shkak të shqetësimeve që kanë të bëjnë me mbifurnizimin e tregut, pasi Sekretarja amerikane i Energjisë, Jennifer Granholm deklaroi se rimbushja e rezervave strategjike do të kërkojë disa vite.

Nafta Brent e Londrës po tregtohet në rreth 75 dollarë për fuçi, ndërsa nafta Bruto amerikane po tregtohet në rreth 69 dollarë për fuçi. Të dy bençmarkët pritet të publikojnë fitime javore prej mbi 3%, duke rikuperuar një pjesë të vogël të humbjeve të konsiderueshme të javës paraardhëse, si pasojë e shqetësimeve për një recesion global. Sekretarja e energjisë, Granholm u shpreh përpara ligjvënësve se do të jetë e vështirë për të përfituar nga çmimet e ulëta të naftës gjatë këtij viti.

Shtëpia e Bardhë deklaroi në tetor se do të blejë naftë për të mbushur rezervat strategjike, kur çmimet ishin mes 67 dhe 72 dollarë për fuçi. Ndër zhvillimet e tjera, banka Goldman Sachs deklaroi se rritja e kërkesës për lëndë të para po udhëhiqet nga Kina, që është importuesja më e madhe e naftës në botë. Gjatë këtij viti, kërkesa parashikohet të arrijë një rekord prej 16 milionë fuçi në ditë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.