Ndërpritet shpërblimi financiar për titujt e nderit – Shqipëria i rikthehet traditës shtetërore të viteve 1919-1944

Titujt e nderit që akordohen nga Republika e Shqipërisë, nuk do të shoqërohet më me trajtim financiar për përfituesit e tyre. Kjo është risia që sjell një ligj i ri i Këshillit të Ministrave, që është në proces konsultimi publik. Ndërkohë, për dekoratat parashikohet që të miratohet një ligj tjetër, në mënyrë që të ndahen nga titujt e nderit.

Në relacionin e nismës së depozituar në Kuvend, qeveria shqiptare evidenton se kjo nismë diferencuese ndërmerret duke mbajtur në konsideratë rregullimet ligjore të kësaj fushe të vendeve evropiane, kryesisht modelin italian dhe francez. Duke u mbështetur në këto modele, sistemimi i ri i rikthehet edhe traditës shtetërore shqiptare të kësaj fushe të periudhës 1914-1944, që ka qenë një nga qëllimet thelbësore të tij.

Në total, në Shqipëri akordohen 25 lloje titujsh nderi e dekoratash, që shoqërohen gjithashtu edhe me shpërblim financiar. Referuar ligjit në fuqi, dhënia e dekoratave, titujve të nderit, medaljeve dhe titujve vendorë të nderit mund shoqërohet  me një shpërblim financiar, sipas vlerësimit të autoritetit përgjegjës.

Ndërkohë, ligji përcakton se të gjitha titujt të dhënë përpara hyrjes në fuqi të këtij ligji, njihen dhe mbahen sipas motivacionit dhe kushteve me të cilat janë dhënë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.