Ndryshime të forta në qeveri/ Vijnë Mete, Koçiu, Hasanaj e Mazniku. Ikin Krifca e Kushi

Qeveria do të ketë një përbërje të re, me një numër më të lartë të grave ne detyrat ekzekutive. Kryeministri Edi Rama ka propozuar si ministre të Shëndetësisë Albana Koçiun, duke larguar Ogerta Manastirliun. Kjo e fundit është emëruar Ministre e Arsimit, duke marrë detyrën e Evis Kushit.

Në krye të ministrisë së Financave dhe Ekonomisë është propozuar Ervin Mete, aktualisht drejtues i Autoritetit të Mbikëqyrjes Financiare. Nga kjo detyrë largohet Delina Ibrahimaj që ka marrë detyrën e MInistres së Shtetit për Sipërmarrjen, që mbahej nga Edona Bilali. Frida Krifca është larguar nga ministria e Bujqësisë, duke u zëvëndësuar nga Anila Denaj, ish ministre Financave dhe Ekonomisë që në këtë mënyrë rikthehet në kabinetin qeveritar.

Ministër i Jashtëm eshtë propozuar Igli Hasanaj qe zevendeson Olta Xhaçkën.

Një ndryshim tjetër është ai  shkrirjes së ministrisë së Shtetit për Standardet dhe Shërbimet dhe krijimi I Ministrisë së Shtetit për Pushtetin Vendor, që do të drejtohet nga Arbian Mazniku, që aktualisht mban detyrën e zëvëndëskryetarit të Bashkisë së Tiranës. Krahas ndryshimeve në kabinetin qeveritar, Asambleja e Partisë Socialiste ka miratuar dhe ndryshime strukturore në sekretariate.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.