“Në shtator bonus i dytë për pensionistët, plus indeksim” – Balluku shpjegon si do ndahen fitimet shtesë nga taksa e energjisë për shtresat në nevojë
Gjatë një takimi në Dibër, Zëvendëskryeministrja dhe Ministrja e Infrastrukturës dhe Energjisë Belinda Balluku ka thënë se Qeveria do të ndajë të gjitha të ardhurat shtesë nga taksa e energjisë me pensionistët. Ajo bëri me dije se përmes kësaj takse janë përfituar në buxhet 4.1 miliardë lekë shtesë.
Ajo shpjegoi se ato do u ndahen pensionistëve përmes një bonusi të dytë prej pesë mijë lekësh në shtator, si dhe përmes një indeksimi tjetër të pensioneve.
Zëvendëskryeministrja tha se politikat e rritjes së pagave në administratë do të shoqërohen edhe me politika për rritjen e pensioneve.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.