“Rritja e pagave do të “shpëtojë” turizmin” – Kumbaro: Ndikim në zgjatjen e sezonit dhe zhvillimin e agroturizimit
Turizmi në vend ka njohur një rritje të konsiderueshme në 3 muajt e parë të vitit, por forca e kualifikuar punëtore vijon të jetë problemi kryesor për sipërmarrjet. Në mbledhje e Këshillit të Kombëtar të Punës, Ministrja e Turizmit, Mirela Kumbaro theksoi se largimi i fuqisë punëtore e dëmton shumë sektorin.
Sipas saj rritja e pagës minimale dhe mesatare dhe strategjia e qeverisë për të vijuar këtë rritje në sektorin privat, do të ketë ndikim të drejtpërdrejtë në ruajtjen e forcës punëtore dhe zgjatjen e sezonit turistik.
Përgjatë këtij viti, për shkak të largimit të të rinjve drejt tregjeve evropiane të punës, qeveria ka ndërmarrë si iniciativë rritjen e pagave në sektorin publik dhe privat.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.