Një punonjës i huaj “kushton” 3000 euro – Muça: Plotësimi i dokumentacioneve ka kosto në kohë dhe në para’

Eksperti Erjon Muça liston hapat që duhet të ndjekë për të punësuar një të huaj dhe kostot që sipërmarrësi shqiptar ka. “Minimalisht kushton 2500 deri në 3000 euro në muaj.”

“Kostoja që një kompani shqiptare duhet të paguajë për një punonjës të huaj fillon që nga kërkesa që bën dhe fija që duhet t’i paguajë kompanisë së ndërmjetësimit që mund të jetë lokale, kombëtare apo ndërkombëtare, fije e cila shkon një deri në dy pagat e muajve të parë që kjo kompani i jep punonjësit të saj. Së dyti një punonjës që vjen nga jashtë ka të nevojë për plotësimin e një sërë dokumentacioni, i cili ka kalvarin e vetë të proceseve dhe hapave që në fakt ka kosto në kohë dhe në të ardhura për kompaninë.”

Gjithashtu sipas Muços për sipërmarrësin shqiptar është rrisku që shumë punonjës që vijnë nga vendet e botës së tretë e përdorin Shqipërinë si një trampolinë për të kapërcyer në vendet e zhvilluara të Bashkimit Europian.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.