Paratë e pista, u rritën 50% procedimet në 2022 – Prokuroria e Përgjithshme/ 352 raste të hetuara, u dënuan 27 persona dhe 7 subjekte juridikë

Viti 2022 ka shënuar një rritje të ndjeshme të hetimeve dhe procedimeve për pastim paarash. Sipas Raportit të Prokurorisë së Përgjithshme, për vitin e shkuar, në bazë të neneve të Kodit Penal për Pastrimin e Parave, janë regjistruar 352 procedime penale, dhe dërguar për gjykim 27 procedime me 43 të pandehur, si dhe janë dënuar 34 persona. Këto tregues evidentojnë rritje 50 % të numrit procedimeve dhe me rritje 30.3% të numrit të pandehurve të dërguar gjyqit krahasuar me vitin 2021, si dhe janë dënuar 34 persona (27 persona dhe 7 persona juridik), me rritje 61.9 % të personave të dënuar krahasuar me vitin 2021.

Në vitin 2022 vetëm për veprën penale të pastrimit të parave sipas nenin 287 të K.Penal janë 340   procedime të reja, dhe 16 procedime me 19 të pandehur janë dërguar për gjykim, si  dhe 2237 persona janë dënuar, prej të cilëve 7 persona juridik dhe 1 (një) person i tretë subjekt raportue (gatekeeper). Këto tregues krahasuar me vitin 2021, kanë, rritje 60 % (nga 10 në 16) të numrit të procedimeve dhe rritje 90 % (nga 10 në 19) të numrit të pandehur të dërguara për gjykim, si dhe rritje 120 % ( nga 10 në 22) të numrit të personave të dënuar për këtë vepër penale.

Sa i përket konfiskimeve, Prokuroria e Pëgjithshme bën me dije se në kuadrin e hetimit dhe ushtrimit të ndjekjes penale për veprën penale “Pastrimi i produkteve të veprës penale ose veprimtarisë kriminale” sipas nenit 287 të K.Penal dhe për vepra të tjera penale të lidhura me to, mbi kërkesat e prokurorëve gjykatat kanë vendosur: -konfiskime pasurie/aseteve kriminale në kuadrin e 6 çështje ose me rritje 2 herë ( nga nga 2 në 6) të numrit të çështje krahasuar me vitin 2021, dhe – sekuestrime pasurie/aseteve kriminale në kuadrin e 18 çështjeve ose me rritje 2 herë (nga 6 në 18 ) të numrit të çështjeve krahasuar me vitin 2021.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.