Pas Ksamilit, edhe Saranda futet në rikonstruksion para sezonit turistik – Tender për rikualifikimin e rrugëve të brendshme të qytetit bregdetar

Bashkitë po bëhen gati për çeljen e sezonit turistik. Pas shpalljes së tenderit nga Agjencia e Bregdetit, për pastrimin e plazheve, bashkitë bregdetare kanë nisur të shpallin tenderat për rregullimin e  qyteteve.

Bashkia e Sarandës ka shpallur tenderin me fond limit 7.2 milionë lekë për riveshjen e pjesëve të dëmtuara të shtresave asfaltike në rrugët e Sarandës.

Më herët, bashkia e Sarandës ka shpallur tenderin edhe për shtrimin e rrugëve të brendshme të Ksamilit.

Saranda ka qenë vitin e kaluar në krye të destinacioneve të oreferuara nga turistët e huaj.

Vitin e kaluar, Shqipëria numëroi 10.5 milionë vizita ndërsa pritshmëritë janë që këtë vit, shifra të arrijë në 14 milionë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.