Pasojat e motit të keq në Azi – Sektori i veshjeve, 65 miliardë dollarë humbje në eksport

Nxehtësia ekstreme dhe përmbytjet mund të “avullojnë” 65 miliardë dollarë të ardhura nga eksporti i veshjeve nga katër vende aziatike deri në vitin 2030, pasi punëtorët përballen temperaturat e larta dhe fabrikat mbyllen. Të dhënat janë rezultat i një studimi të ‘Schroders’ dhe Universiteti Cornell.

Studimi gjithashtu përcaktoi zinxhirët e furnizimit të gjashtë markave të paidentifikuara globale të veshjeve që operojnë në katër vendet e marra në analizë, Bangladesh, Kamboxhia, Pakistan dhe Vietnam, dhe zbuloi se do të goditeshin materialisht.

Gjetjet e këtij studimi duhet të shërbejnë si një thirrje zgjimi si për industrinë e veshjeve që përballet me kosto të konsiderueshme financiare, ashtu edhe për investitorët që përballen me informacione të pakta mbi ekspozimet e kompanive, sipas deklaratës së autorëve të raportit.

Të kuptuarit e rreziqeve fizike të lidhura me klimën për kompanitë, në një botë që po ngrohet, është kritike, por procesi është në fillimet e tij me pak biznese që zbulojnë informacion të mjaftueshëm dhe pak investitorë që ndërmarrin vlerësimet e duhura.

Schroders, i cili menaxhon më shumë se 700 miliardë paund në asete, do të rriste angazhimin me kompanitë mbi zbulimet e tyre dhe u bëri thirrje firmave të punojnë me furnitorët dhe politikëbërësit për të ndërtuar strategji përshtatjeje që marrin parasysh ndikimin tek punëtorët.

Duke përdorur projeksione, studiuesit analizuan nivelet e ardhshme të nxehtësisë dhe përmbytjeve për të vlerësuar se çfarë do të ndodhte nën një skenar “përshtatje klimatike” dhe një skenar “nxehtësie të lartë dhe përmbytje”.

Sipas të dytit, punëtorët do të vuanin më shumë nga ‘stresi prej nxehtësisë’, me prodhimin e punëtorëve në rënie ndërsa temperatura e globit, e cila mat nxehtësinë dhe lagështinë, rritet. Përmbytjet do të detyrojnë gjithashtu fabrikat të mbyllen në të katër vendet, të cilat përbëjnë 18% të eksporteve globale të veshjeve dhe punësojnë 10.6 milionë punëtorë në fabrikat e veshjeve dhe këpucëve.

Rënia e përgjithshme e produktivitetit do të çonte në një mungesë prej 65 miliardë dollarësh në fitimet e parashikuara midis 2025 dhe 2030 – ekuivalente me një rënie prej 22% – dhe 950 mijë më pak vende pune. Deri në vitin 2050, të ardhurat e humbura nga eksporti do të arrinin në 68.6% dhe do të kishte 8.64 milionë më pak vende pune.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.