Përfundimi i rrugës së Arbrit/ Shkurtohet me 3 km rruga Peshkopi – Maqellarë, që e lidh me qendrën e qarkut 

Rruga Peshkopi – Maqellarë, që lidh gjurmën e Rrugës së Arbrit me qendrën e qarkut Dibër, do të shkurtohet me 3 km, duke reduktuar distancën me kryeqytetin, si dhe duke rritur sigurinë në rrugë. Gjatë inspektimit të punimeve në terren nga kryeministri Edi Rama dhe ministrja e Infrastrukturës dhe Energjisë, Belinda Balluku u bë gjithashtu me dije se punimet po avancojnë edhe në tunelin e Murrizit, që do të shënojë dhe përfundimin e rrugës së Arbrit.

Aksi Peshkopi – Maqellarë parashikohet të përfundojë në shtator të vitit 2024, ndërkohë që përmirësimi i standardeve pritet të ndikojë, jo vetëm në çlirimin e potencialeve turistike, por edhe në lehtësimin e transportit të produkteve bujqësore të zonës.

 

 

 

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.