Përmbytjet, fatkeqësi e shkaktuar nga keqmenaxhimi – Lumi Drin rrezikon fshatin, administratori i gurit të zi: Prej 8 vitesh kërkojmë ngritjen e argjinaturës

Si çdo vit që ka përmbytje në vendin tonë, debati politik intensifikohet kur vjen puna tek pagesa e dëmeve.

Administratori i Gurit të Zi Pjerin Marku ka ngritur alarmin “Në Fokus”  se uji i lumit Drin jo vetëm po u rrëmben tokat por rrezikohet të përpijë dhe dy fshatra, atë të Vukatanës dhe fshatin Kuq.

Administratori Marku thotë se ka 8 vjet që i është kërkuar ndërtimi i argjinaturës por deri tani kjo kërkesë ka rënë në vesh të shurdhët.

Nga ana tjetër, Shemsi Prençi u shpreh se kjo situatë ka ndodhur si rezultat I keqmenaxhimit dhe jo I kushteve të motit po reshjeve të rëna me intensitet

Debat në studio kishte edhe zv/ministri Jaupllari sëbashku me Prençin për dëmet që shkaktoi përmbytja e nëntorit në qarkun e Shkodrës

Qeveria ende nuk ka bërë një llogaritje lidhur me dëmet e shkaktuara nga përmbytjet,vlerësim që pritet të bëhet pas qetësimit të situatës.

Franceska Ndoja/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.