Plani i taksave i Britanisë së Madhe – Prodhuesit e naftës dhe të gazit, më shumë lëndë djegëse fosile
Plani befasues i taksave prej 6.29 miliardë dollarësh i qeverisë britanike për prodhuesit e naftës dhe gazit përfshin një nxitje më shumë për prodhuesit që të pompojnë më shumë lëndë djegëse fosile. Një fakt që ka ngjallur reagimet e aktivistëve në mbrojtje të klimës.
Faturat e taksave për prodhuesit e naftës dhe gazit, duke përfshirë taksën e re shtesë prej 25% mbi fitimet, mund të reduktohen ndjeshëm me investime më të larta veçanërisht në projektet e naftës dhe gazit.
Në prezantimin e këtij plani në parlamentin britanik u theksua se brenda taksës, do të ketë një “super-zbritje” e cila shërben për të për të inkurajuar firmat të investojnë në nxjerrjen e naftës dhe gazit në Mbretërinë e Bashkuar. Por në këtë projekt nuk u përmendën llojet e tjera të investimeve në energji si për shembull në energjitë e rinovueshme ose karikimin e makinave elektrike. Leja e re e investimit nënkupton që bizneset në përgjithësi do të përfitojnë një kursim tatimor prej 91 pens për çdo 1 paund që investojnë.
Qeveria e Britanisë së Madhe është zotuar të bëhet një ekonomi neutrale ndaj karbonit deri në vitin 2050. Vendi gjithashtu organizoi samitin e klimës COP26 vitin e kaluar, ku iu kërkua vendeve të heqin dorë nga subvencionet joefikase të karburanteve fosile.
Por konfirmimi se kjo taksë shtesë për prodhuesit e naftës dhe gazit përfshinte një nxitje tatimore për prodhim më të lartë, dëmtoi politikën britanike në sytë e aktivistëve në mbrojtje të klimës. Sipas tyre shpërblimi për nxjerrjen e naftës dhe gazit, ndërkohë që nuk bëhet asgjë për të inkurajuar investimet në burimet e rinovueshme, nuk do të sjellë siguri energjetike, do të shtrenjtojë dhe më shumë faturat si dhe do të derdhë karburant në të gjithë krizën klimatike.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.