Projektligji, ndërtuesit të zbardhin shitjet në themel e kleringët – Stop parave të pista. Dy kontrolle, një para dhënies së lejes, një pas përfundimt të objektit

Asnjë ndërtues nuk duhet të pajiset me leje ndërtimi nëse bashke me dokumentacionin teknik nuk paraqet edhe burimet financiare me të cilat do kryhet investimi. Por jo vetëm kaq, përpara dhënies së lejes së përdorimit, pas përfundimit të objekteve, ndërtuesit t’i nënshtrohen edhe një kontrolli të dytë për një vlerësim përfundimtar mbi vleren totale te investimit te kryer dhe total in e te ardhurave te perdorura, duke specifikuar zerat konkrete te ketyre te ardhura (te ardhura te vete subjektit, hua, kredi, kontratat shitjeje, kontrata klering-u etj).

Është depozituar në Kuvend nga deputetët e Partisë Demokratike një projekligj i cili kërkon të adresojë rrezikun e pastrimit të parave në sektorin e ndërtimit, duke e konsideruar këtë të fundit si më të ekspozuarin ndaj këtij fenomeni.

Në thelb, çdo ndërtim, duhet të kalojë në sitë dy herë, përpara miratimit të lejes së ndërtimit, dhe më pas, përpara lejes së përdorimit. Në relacionin që shoqron projektligjin, Deputetët e Partisë Demokratike theksojnë se me qellim parandalimin e injektimit te parave qe kane burim krimin apo aktivitete te tjera te paligjshme ne sektorin e ndertimit, projektligji ka percaktuar detyrimin e subjektit qe aplikon per leje ndertimit, qe krahas dokumentacionit tekniko-ligjor te nevojshem, te paraqese edhe nje raport te detajuar tete gjitha te ardhurave qe do te perdoren per realizimin e projektit.

Në çdo rast, projektligji parashikon edhe nje kontroll te dyte ne momentin qe subjekti kerkon te pajiset me certifikaten e perdorimit. Subjekti ka detyrimin qe krahas deklarates se perputhshmerise, te paraqese edhe raportin e detajuar te te ardhurave.

Ky raport permban vleren totale te investimit te kryer dhe total in e te ardhurave te perdorura, duke specifikuar zerat konkrete te ketyre te ardhura (te ardhura te vete subjektit, hua, kredi, kontratat shitjeje, kontrata klering-u etj.). Subjekti ka detyrimin qe te justifikoje ligjshmerine e te ardhurave te perdorura per realizimin e ndertimit. Ne rast se subjekti nuk arrin te justifikoje te ardhurat, autoriteti pergjegjes mund te vendose konfiskimin e ndertimit ne raport me pjesen qe rezulton e pajustifikuar me burime te ligjshme.

Lorenc Rabeta/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.