Protesta të dhunshme në Bruksel – Fermerët ndezin zjarr pranë selisë së BE-së!

Muaj tubimesh janë zhvilluar në të gjithë Europën nga Finlanda në Greqi, Poloni dhe Irlandë. Demonstratat erdhën sërish në krye në Bruksel këtë javë kur fermerët hodhën panxhar, spërkatën policinë me pleh organik si dhe ndezën zjarr pranë selisë së Bashkimit Europian.

Policia përdori gaz lotsjellës dhe topa uji për të mbajtur nën kontroll dhunën. Fermerët ndezën hyrjen e një stacioni metroje dhe një person u arrestua pasi hodhi kokteje molotov ndaj personelit të sigurisë.

Dhjetra traktorë mbyllën rrugët ndërsa 27 ministra të fermave të BE-së u takuan për të provuar të ndërmarrin masa për të qetësuar krizën. Kishte më pak se gjatë mitingjeve të shkurtit, por arsyet e protestave të tyre mbeten kryesisht të njëjta – kundërshtimi ndaj politikës mjedisore dhe importet e lira të ushqimit nga Ukraina.

“Dhuna, zjarrvënia dhe shkatërrimi gjatë protestave janë të papranueshme”, tha Ministrja e Brendshme Annelies Verlinden, duke këmbëngulur se fajtorët do të ndiqen penalisht.

Fermerët po protestojnë kundër asaj që ata e shohin si burokraci të tepërt dhe rregullave të padrejta, duke përfshirë shumë politika mjedisore. Veprimi i pamëshirshëm në të gjithë bllokun ka parë tashmë lëshime, duke përfshirë lehtësimin e rregullave të pesticideve.

Një plan i madh i BE-së për të mbrojtur natyrën u shty për një kohë të pacaktuar të hënën, duke treguar ndikimin që këto demonstrata po kanë në masat e gjelbra. Shtetet anëtare duhej të jepnin miratimin përfundimtar mbi projektligjin tashmë të zbutur, por, me zgjedhjet evropiane që priten në qershor, Ligji për Rivendosjen e Natyrës është pezulluar për momentin.

Është një pjesë kyçe e Marrëveshjes së Gjelbër Europiane, e cila synon ta bëjë Evropën kontinentin e parë neutral ndaj klimës deri në vitin 2050.

Shtetet anëtare dhanë gjithashtu miratimin e përkohshëm për propozimet që do të dobësonin rregullat mbi praktikat si rotacioni i të korrave dhe mbrojtja e tokës të martën. Komisioni Evropian njoftoi disa javë më parë një rishikim të standardeve mjedisore të lidhura me Politikën e Përbashkët Bujqësore (CAP) dhe tha se do të thjeshtonte burokracinë rreth subvencioneve bujqësore.

Fermat e vogla – ato me më pak se 10 hektarë tokë – janë vendosur të përfitojnë më shumë nga rregullat e reja. Kuvendi pritet të vendosë për këto propozime në fund të prillit, por disa fermerë thonë se është shumë pak vonë.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.