Pse pushuesit “braktisën” Jugun? – Licaj: Çmimet janë rritur kudo, nuk vihen re abuzime
Sezoni turistik bregdetar nuk po rezulton të jetë aq i mbarë për jugun e vendit i cili çdo vit ka qenë ndër më të preferuarit për pushuesit, dhe kjo për shkak të rritjes së çmimeve dhe stepjes nga abuzimet.
Në një intervistë për SCAN TV, ekspertja e turizmit, Brundila Licaj, shprehet se rritja e çmimeve në turizëm ishte e pritshme dhe e paralajmëruar për shkak të infalacionit në tërësi, por ka ofertë për të gjithë kategoritë e pushuesve.
Sipas saj, nuk vihen re abuzimet dhe në rastet kur ndodh, qytetarët nuk kanë pse të bien pre pasi mund ti shohin çmimet paraprakisht.
Ndërkohë që mungesa e resorteve të mirëfillta në pjesën jugore të vendit vlerësohet si një tjetër arsye pse pushuesit, kryesisht familjarë, zgjedhin destinacione të huaja për pushimet verore.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.